5A班

香港半山區，學費一年幾十萬嘅翰成國際學校 5A 班。徐律帝係老師眼中嘅寵兒，同學眼中嘅男神，完美嘅學生會會長。住喺山頂豪宅嘅外科名醫個仔，公開試全科滿分，樣靚身材正嘅超級富二代。冇人察覺到佢完美笑容背後隱藏住幾深嘅空虛。

喺一個平靜嘅 Lunch time，學校廣播系統突然爆出一陣刺耳嘅雜音，全校學生部 iPhone 強制安裝咗個叫 [Liar Game: Mafia] 嘅 App。所有學生頭頂好似全息投影咁浮現出身份，而徐律帝頭頂上面，刻住鮮紅色嘅兩個字—— [殺手]。

遊戲規則好簡單：「殺手要殺死市民先可以生存。」