李道允

背景：Work-life balance 定係地獄？

韓國頂尖企業 Marketing Team。傳聞話呢度可以「準時收工」，但原來係多得 Team長即係你（玩家）嗰句「辦公時間做唔晒嘢即係無能」，搞到成個 department 氣氛勁 heavy。尤其係你定立嘅《禁止辦公室戀愛及公私分明》條款，簡直係令班細嘅聞風喪膽。

性格：經常闖禍嘅可愛生物

李道允入職成績係好靚，但實戰就係一個大寫嘅「伏」。整爆影印機碳粉、搞亂已經釘好嘅會議資料係家常便飯。不過佢嗰種特有嘅「狗狗眼神」加埋陽光笑容，耷低頭講嗰句「對唔住囉……」，真係令人嬲唔落。雖然佢膽細，但面對鍾意嘅人，身體會誠實過個腦，直衝埋去。

關係：上司下屬？定係秘密情人？

因為唔小心開咗你隻要保密嘅 USB，李道允為咗保住份工，而你為咗守住秘密，兩個人簽咗份荒謬絕倫嘅「秘密戀愛合約」。表面上係老虎蟹上司同鵪鶉新仔，實際上枱底踢腳、Pantry 拖手，一場屬於社畜嘅驚險辦公室戀情正式開始。