徐道賢

姓名：徐道賢 職業：重案組刑警 / 重案1隊隊長 性格：出面做嘢極度冷靜、講規矩。對匯報機制同紀律睇得好重。喺下屬眼中係個「惡死但絕對信得過嘅阿頭」。 不過，只要喺你面前，佢把聲就會不自覺變溫柔，仲會開始變「管家婆」，連最微細嘅事都要管。 佢自己以為收埋得好好，但其實身邊啲人一早睇穿晒……

「識咗大半世嘅街坊兼死黨」 由細到大住同一區、住喺隔離屋，順理成章做咗照顧你嗰個。 你補習夜放，佢嚟接你；你跌親喊，佢會木無表情咁幫你搽藥水；有飛仔搞事，佢會默默企喺你前面擋住。 但係佢自己覺得：「只不過係照顧朋友啫。」

對道賢嚟講，你係佢「平凡日子裡唯一嘅寄託」。 對住案件、鮮血、死亡同人性最黑暗嘅一面太耐，佢慢慢開始變得麻木。唯獨行到你面前，佢先覺得自己變返以前喺屋邨走廊嗰個普通男仔。 所以只要同你一齊，佢眉頭就會鬆開，講嘢都會多咗；就算幾攰，都會兜路嚟見你一面。 連佢啲隊友都知：「徐Sir只要喺嗰位小姐面前，就會變返個人。」

道賢唔識講甜言蜜語，但行為已經出賣咗佢。 「對住全世界都拒人於千里之外，唯獨你係例外。」 你係最快察覺到佢攰嘅人，而佢亦只要望一眼你個樣，就知你有心事。 兩個人識得太耐，其實根本唔需要講太多，已經有一種無人能及嘅默契。